WALL．E

原本無諗住睇呢套戲，因為一直想看X files

Waiting又話好想睇，咁就係毫無期望之下就走左去睇

點知，disney + pixar真係永無衰

而且我覺得比之前任何一套都更好睇

唔知呢，可能我鐘意D科幻機械人片

仲有，竟然無小朋友係度bilibala

套戲既好看程度激增100％

套戲講要保護地球，其實好o岩小朋友睇既

不過對白都無幾句既Wall-E同EVE，d小朋友又點會明丫

好明顯呢套卡通片已經超越左一般既卡通片

所以我比佢5/5個N～未睇就快D去睇啦

最可愛的mo仔

無題

我一直在想，我的blog應該叫咩名？。

......

想不到，算數。

仲有2日就到8月啦

仲有9日就到北京奧運啦

仲有23日就到我22歲生日啦

仲有52日就睇濱崎步演唱會啦

仲有......

仲有過多幾年會變成點...

============================

後記：

今日又去左食鼎泰豐~

醉雞～小南國好食D

賣相＋味道都極似茶餐廳大排檔的排骨蛋飯，可惜價錢唔似

Swimming Day 2

今日又去游水啦～

今次同ohk，fpc去左南灣游水

約左fpc 2點係金百利食lunch，2個茄子魯肉飯唔該

食完ohk都仲未到，咁就行左一陣sogo

見到d keroro hello kitty 水泡

我都想買個水泡玩，就去左玩具反斗城買左條大鯊魚

跟住join埋ohk就搭巴士入淺水灣，再轉的士入南灣～

點之個天開始黑lu...

入到去都4點幾lu...又天陰陰咁，下次要約早D

今日星期日，淺水灣已經超多人，南灣都唔少人喎

比起我上一次黎得果幾丁友，今次係超多人

玩玩下水仲落雨添，不過就微微雨咁

都唔係玩左好耐，6點就走人lu

之後出番銅鑼灣食沙嗲王，又行左陣times square

ohk去左買一個好大既炒雪糕食，我同fpc就食滿記

傾左陣ohk的少女心事就送佢搭巴士，我地就搭地鐵走lu

Swimming Day

今日同柯ho kwong 去tko 游水

成為（他？）人生既一個污點...

去到泳池當然要找locker啦

點知得番2張膠版10蚊紙既我，部唱錢機唔收

這樣，我們2人唯有用一個locker

本來，我已經把locker鎖上

但係佢話有野未擺入去，所以我將key交比佢啦～

咁又等佢查完太陽油，然後就出去游水啦～～

如是這般，游呀游～游呀游～游左個幾鐘

我見到有個人，佢將條key綁左係隻腳度

我就突然間醒起，好似唔覺眼ohk隻手有key喎！？

我就問佢：喂，條鎖匙呢？

佢就話：乜唔係係你度咩？

我就話：你最尾擺野架嘛，點會係我度？

之後我就拿拿聲游番上岸去睇下個locker

點知，已經比人用個大鎖塔住左個locker

之後要搵實Q開番，好彩無唔見野 =.=

ohk呀！點解你會咁無手尾 =.=

我都好後悔點解無睇住你有冇拎到key =.=

我咁大個仔都未試過咁 =.=

如果比人偷錢偷電話都還好，如果成個袋比人偷左

我要你著住條泳褲出去同我買過D衫！！！

夜晚，同waiting 食飯～

今次係有一排無去既翡翠拉麵小籠包

搬左位都係第一次去，嗯...水準差了？

小籠包唔知係咪皮太薄？一夾起就穿豬水了，四隻都穿了

隔離枱個哥哥仔，夾起果陣就同佢女友話：我個隻好似無穿呀

（佢女友之前話：好似穿左咁既）點知，點完醋拎起，穿了

生煎包，好難食... 無汁的

其他的都同以前差不多

最喜歡始終都係春卷～

Panasonic LUMIX DMC-LX3

天呀！！我等了這麼久，你現在才面世。我的現任太太怎算？

《蝙蝠俠•黑夜之神》

呢套戲真係超爆！我既意思係戲院場場爆
要預早幾日買定飛先有得睇
美國首日票房已經打破《豬豬俠3》既紀錄
唔知香港有幾多呢

套戲情節幾緊湊喎，加上我坐正IMAX既超勁啦叭下面
超爆！
我以為最樣衰最恐怖果個係小丑
點知係個配角，真係超核突，好似睇緊人體的奧秘咁
男主角又唔係靚仔，女主角又唔係靚女
不過都不減呢套戲既可觀性
香港果段真係拍得香港好靚
原來個導演基斯杜化路蘭係拍《死亡魔法》果個
呢套又係前年好鐘意既一套戲

今個星期四都有一套想睇既戲上畫
《The X Files: I Want to Believe》
到時再講～

旺角周街食

一邊飲野，一邊食我最喜愛的八爪魚丸～

我曾侍候過英國國王

今天看了
我曾侍候過英國國王【I Served the King of England】

我睇戲，真係只係睇戲，我沒什麼深度的說～
好似人地睇斷背山會睇一次喊一次，但係我係戲院訓著左
可能我本人太直接啦，串人的時候或者會例外

講番套戲，都知道係D藝術電影啦，不過又唔係太悶
講主角人矮但係志高，成日都想成為百萬富翁
到左最後，多錢到唔知點洗，仲因為多錢得濟而要坐監

上年都睇過類似咁既戲，超時空泡泡女
又係講錢多到洗唔晒，最後經濟泡沬爆破
不過呢D算係搞笑片多D

雖然話有好多錢都未必有快樂
但係係香港地，無錢真係好唔快樂
我唔需要有錢到住富豪海灣
但係我都唔想好似一百萬人的故事入面D主角咁
如果我好有錢，我會點？我會令自己同身邊既人開心D
一定唔會拎D錢當牆紙痴

Pizza Express

先前有諗過係Waiting生日飯食呢度
不過最後都係推遲左，佢都嚷著要食好耐
本應早兩日去食，點知都係懶，去左食板前
今日終於有得食啦～


兩個人都唔食得幾多野，咁就叫左一個Pizza同一個非Pizza
呢個係森林Pizza？唔記得全名
唔係唔好食，但係又唔係好食到暈


呢個係芝士波菜闊麵？又唔記得左個名
賣相一般啦，但係都唔差既


價錢都唔平，大時大節先再食過～

生日飯

Waiting生日，生日蛋糕係Blueberry Cheese Cake
唔知係咪唔太肚餓，覺得一般般，但係第二日再食又覺得幾好食
好似italian tomato既原粒blueberry好D，但係cheese cake呢個好食D


之後出左尖沙咀，時間有D早，無無聊聊去左太空館



最後就去左鼎泰豐食晚飯，好多人的說，等左一個鐘左右啦


當然要叫呢個享負盛名既21g 18摺小籠包
比翡翠的貴$1一隻，但係好似好食D，唔係係咪心理作用呢


担担麵 ＆ 原盅牛肉麵
份量比較少，但係好好食～！


豆沙包 ＆ 荔芋包
豆沙包甜左DD，佢話荔芋包好好食喎


呢間新店比以前黃埔的大好多，靚好多，招呼都好好（比翡翠好得多）
價錢比翡翠貴少少啦，但係翡翠經常都係“搭枱位“，即係隔離左右都係人，唔多舒服
所以有機會都會再試下