今日終於踩到單車，不過竟然好多人都無黎到／黎唔到
最後得番我，jason，jackson，bill 4個人
其實今日仲要返工，本來諗住唔踩，後尾都去左
如果我真係無踩的話，佢地3個會唔會踩呢？
11點大圍集合，食過吉野家（上次踩單車又係食吉野家）
未夠12點就租車出發了，目的地係大埔
因為馬術比賽關係，馬場出面既單車徑封左，要過對面河踩
今次比上次快左好多，因為無乜點停過嘛
用左一個鐘多d啦，1點左右就入到大埔元洲仔公園
見時間尚早，就踩埋入去大埔海濱公園最篤篤既地方－水陸墟
抖左陣，因為我要趕住5點半返工，4點半返到屋企的話
就要3點左右踩返番去大圍，jason 同 bill 就繼續踩入大尾篤
jackson 都有事做，所以我地2個就踩返番大圍
去程踩得太快既關係，回程已經幾攰，去到馬場果陣直頭腳軟
不過都要趕係3點左右返到去，唔係我就遲到啦
最後，我都趕得切搭車返屋企沖涼換衫再去返工
唔記得講番今日天氣係點，天陰，部份時間有陽光，上左火車即落雨
返到公司成塊面，手都紅晒。完全無expect過會曬傷
d紫外線真係勁，下次都係塗返d太陽油先踩單車
