又去迪士尼～聖誕版～

發緊夢

時間 上午11時多
地點 公司

Alan: 笑死人
N: ?
Alan: DOCTOR 普通話
N: 我發緊夢無聽到添
Alan: 綺夢?
N: 多啦A夢

比 HKBN 呃左

話說上星期電腦節去迫左一大餐
臨走果陣見到有 HKBN 既 Sales
咁就諗到網上行又就到期
UPLOAD 又咁鬼慢
咁 HKBN 又賣晒廣告話十八區都有得用
還掂又平過網上行，咁就不如試下啦

HKBN 有個公屋 PLAN
＄168 簽 24 個月 送 WIFI
咁又我無問佢我屋企有冇COVER喎
（諗住實有啦）
佢又話會有人打黎覆我

一個禮拜後，都無人打過黎喎？
我又無意中係 HKBN 個網頁度搵到一個
網絡覆蓋查詢
咁就 SEARCH 下我屋企
點知原來係無既！
HKBN D 廣告超級誤導！
話就話十八區都有，每區得一條村有呀？
覆蓋率唔夠高就咪賣得咁勁啦

最終都係要用番網上行 6M
網上行可唔可以 UPGRADE 下我地條村做 18M/30M 呢
可唔可以改名做網上跑呀，唔好再行啦

後記：剛剛 HKBN 打黎話有個最新既上網優惠比我喎
都無 COVER！真係連D Sales 都信左個廣告

扮豬食老虎

你只是一隻綿羊
你常常在豬面前扮狼
那些豬真的當你是一隻狼
可是，不要在狐狸前扮
你騙不過他的

也可能，那些豬其實是老虎扮的

升降機

做左廿二年人，搭過不下百部不同既升降機
自己家、親戚朋友家、學校、大大細細既商場、
工廠大廈、高級商廈、甚至三四十樓齡的舊樓
有向左右兩邊打開既、有向一邊打開既、有向上開既、
有人手拉閘既、有用八達通DO既、有係大堂禁制先既
但係，
通通都不及我公司的大廈果一部咁 “低能”

我公司位處炮台山呢個勁多人返工既地區
雖然唔算係超甲級既商業大廈
但係都算幾出名丫，都唔知管理處做乜既
大廈樓高41層，分高低層，各4部升降機
每部升降機都有一盞燈
一按制就會著左，話你知邊部最快到
（其實係老點你，因為有時會第二部仲快）
本公司位於屬高層的33樓
每朝都要係樓下等LIFT等到出去門口
（低層的等候時間遠低於高層）
等，都不是一個問題
問題是，點解盞燈一定要眨眨下先至關到門？

舉個例
某一天早上，大堂仍然大排長龍
1號LIFT入緊人（盞燈係眨眨下的）
但係途中2號LIFT落到地下了
而果盞燈就會轉到去2號LIFT度眨眨下
所以，1號LIFT係關唔到門的
換句話說，全LIFT人都要（呆）等2號LIFT關左門之後
盞燈去番1號度眨眨下，先可以關門
明明就係1號LIFT到先，但係就唔可以上去先？
咩道理？PROGRAM 邊個寫的？

再舉多個例
某一天中午，食完晏早左返
無人等LIFT，所以有兩部是打開了門的
貪方便選了近自己果一部
但係無發覺果一部LIFT係無眨燈的
當然又是關不了門，死死地氣走番去第二部

第二個問題，雖然分左高低層的升級機
但係每部都大大話話有十多層
每到繁忙時段，一大班人逼入一部LIFT時
隨時都會停好多層，每層都出得一兩個人
如果係頂樓真係唔得佢死，等到人到癲

註：無記錯的話，頂層是管理處，40樓是SWATCH
上個禮拜又勁多人黎買錶，又勁多人排隊

每天的生活就是等LIFT...

死亡預告

聽個名似係D恐怖片，懸疑片咁
但係其實呢套戲亦都十分感人
係戲院睇勁多人睇到喊
講故事中三位人物係生命中最後的廿四個鐘
可以做咩，想做咩，應該做D咩

如果俾你，你會做D咩呢
相信要真係經歷過先至會有答案

渺渺

呢套好似好睇過海角七號添
又係有個日本女仔
個女仔短髮好睇過長頭髮
范植偉又幾靚仔

但係，全套戲既精粹，係 HOTCHA！
未睇既真係要去睇下啦～

海角七號

好感動咩？唔係好覺喎
反而幾好笑
套戲都係一貫台灣feel啦
點解可以捧到咁高？係咪期望太高呢

食唔出個味道

因為身子唔太舒服（係，我又病。好似返左工之後未好過）
所以唔係好食到D咩感覺
份量比triple o's 還要大，價錢當然成正比
雖然個牛我只係食左兩啖，好似無乜肉汁
另一個係魚，唔知係真係無胃口定咩
好似無乜特別
感覺上，我鐘意freshness burger 多D
有機會再去多次啦唯有

呢間野叫咩名？忘了
openrice 找不到，只知在加路連山道

Calendar

其實想整個自家制月曆好耐架啦
又差唔到多年尾啦，咁就搵下有咩相o岩用啦
點知發覺，相就有好多啦，不過都唔見得人既
所以呢，希望係呢2 個月入面影番D 靚相
咁我出年就有個靚月曆用啦～

還未病好

食晒d藥仲未好，又要睇多次醫生，d藥水都深色左
點解黃色藥丸又多一粒既？送架？

生病了

點解最細粒果隻黃色藥丸會多左粒既？

鷹眼追擊 Eagle Eye

之前睇預告片已經對呢套戲幾有興趣
上左畫當然要去睇下啦
劇情唔係度講太多，都幾緊張刺激架
應該IMAX版會更加好睇
之但係部電腦真係好勁囉
同埋，乜美國通街都有CCTV架咩？

迪士尼黑色世界

自從迪士尼有呢個halloween活動之後，我年年都有去喎
反而海洋公園就以前去得多D

halloween版草堆

玩左2次都影唔到一張靚相，唯有係出面影番張



鬼屋淨係玩左新果個，都係大同小異啦
好就好在無乜人（好事定壞事？），前前後後都無人
d鬼都夠時間o厘番埋位
還記得之前係海洋公園玩，d鬼好鬼忙
嚇完前面班人，o厘埋果陣又比我見到
佢又見到我見到佢，卒之就咁衝埋黎算數，我真係好驚囉

ayumi hamasaki ASIA TOUR 2008 ～10th Anniversary～

繼上年4月之後，今日ayu又黎香港開演唱會啦～～～
同上年一樣咁好睇呢，不過氣氛就無上次咁好
應該係因為太多唔係歌迷的人去睇，自自然然就成碌木咁坐係度
（呢個都係普遍香港式演唱會既睇法）

歌呢，有新有舊
有原本無既 A Song for XX
有好舊好舊既 End roll 同好少唱既 Voyage
原本以為架飛船好大添，比想像中細D

各方面做得好好架啦，係有少少缺點
一，太太太大聲，同上年一樣，大到speaker開始有d拆
二，無螢光棒買，有錢唔賺

New iPod nano

黃色好靚呢～

Disneyland

囧

澳門一日遊

點解好似無咩相可以放出黎...

鸚鵡

生日先黎打風 ~_~
今日全日係屋企悶 ~_~

昂坪360

今天和waiting去了昂坪360，好熱好曬的一日









D人變到好細粒

濕地公園

因為尋日買左新相機 :p，所以今日就去試機啦～
搵左ohk去濕地公園行下
午飯佢帶左我去元朗既田中食
有(熟晒)北寄貝既麵豉湯

鰻魚飯

三文魚炒飯，我胃太細食唔晒

勁大三文魚手卷


之後就搭輕鐵去濕地公園啦
今日個天好好陽光，出到戶外一陣都熱到死

同一個地方，相隔2年的時間





好似真咁，其實係假既



晚餐去左又一城食板前，因為ohk話未食過喎
今日個海膽同炸蠔好好好好食呀～

HIP SUSHI

今日去左呢間派壽司食
個門口好似幾高級咁，睇下係咪真係咁好食先
右下角，海綿雞蛋，我無乜興趣，本身都對蛋壽司無興趣
隔離既係汁伴魚生o者o厘，都ok既


燒菇壽司，無乜特別


檸檬漬三文魚壽司，同個牌入面都唔同既，麻麻地


吞拿魚腩帆立貝，好薄無乜口感，食左好似無咩feel咁


其他唔講了，同場加映＄49 四個球