iPhone 用量 #2

6/10 - 5/11

720583 KB = 703.69 MB
682 SMS
8 MMS

Google Latitude

係個 BLOG 度整左個 Google Latitude
會睇到我係邊架(如果我update既話) n_n

iPhone 用量

用左 iPhone 成個月，統計下d資料先

張單係 9 月 5 號 - 10 月 5 號
但係17號先開始用iPhone

17 Sep 2009 - 5 Oct 2009

通話用量: 對我黎講好似多到用唔晒，唔洗提
數據用量: 370.9 MB
SMS: iPhone send sms 好似玩 msn 咁，471個
MMS: 3個

下月再計過

測試

Download 左個寫 blog 嘅 app，試下先

- Posted using BlogPress from my iPhone

Sunset ～LOVE is ALL～

もっと 側に居て
もっと 信じさせて欲しい
なんて甘えすぎかな

遠回りするくらいがいい
解り合える事を 解ってるから


但願你伴我 更久一點
讓我 更信任你
這樣會不會太依賴你

多走一點遠路也好
可以讓我們了解彼此更多

我想要

等到頸都長，幾時先有呀豐澤～？

新風扇

呢把係我間房既新風扇
雖然叫係新（因為係新買）
但係，其實已經係同款的第三把
即是話，之前已經壞過兩把...

無題

諗左好耐都諗唔到個標題寫乜好
呢幾日，都有人話我我肥左
“唔係下化“ 係第一個反應
諗深一層...
日日係公司食咁多野，唔肥至奇
雖然上個禮拜遊左 2 日水
（當然夾埋可能得 1 個鐘 D 手手腳腳係郁緊）
我唔要做肥仔呀～～～！

如果今日唔係有雷暴警告都會去游下
咁所以就留係屋企玩 Wii Fit
唔玩由自可，一玩就...

Wii Fit 板其實都係一塊電子磅
對上一次玩已經係2xx日之前既事
一見到個數字，“係咪壞左呀“


可幸的是，我已經變成了“標準身型“啦
下次再磅....

Taiwan Trip Day 6

TAIPEI -- HONGKONG

今日都無咩特別野寫
都係去左買手信
仲係誠品上左陣網，同睇下書
之後就搭車去機場咯

得番 9x 蚊台幣
係BURGER KING買左個薯條食
用晒 D 錢咯，呵呵～

台灣之旅完畢

Taiwan Trip Day 5

TAIPEI

今日主要既行程係...無
朝早食左個 mister donut 做早餐

之後就去 101，個商場同太古廣場差唔多
諗住等到就黎入夜先上去觀景台睇風景
咁就可以日夜兩景都睇晒啦～


途經國父紀念館

所以就出番去忠孝敦化食鼎泰豐～
雖然係香港都食過
但係點都要試下台灣既
味道同香港都差唔多
小籠包一樣咁好味～
擔擔面好似辣 D
招呼服務一流
好正呀～～！呵呵～！

之後去左新光三越行街
可能時間尚早，又係平日
成間三越都好少人
又去誠品行左個圈


有得租單車

五點幾就上去 101 89 樓啦～
點知...

朝早黎果陣無乜人係個大堂度買飛
上面都應該唔方多人
但係，呢個時候好多好多人
起碼有幾團旅行團黎左
搭果架最世界最快既電梯仲要迫到死
無影到相添！
上到去，個天都幾大霧（今朝仲好好天架）
太可惜啦

不消半分鐘就上到 89 樓啦，我返工果部電梯有咁快就好啦





直達地下既樓梯... 由 89 樓望落去腳仔都軟

仲出左去 91 樓既戶外觀景台
不過白朦朦一片，又凍又有雨粉打埋黎部相機


夜晚去左放牛班食
班房裝修，食物還可以啦




又玩完一日

Taiwan Trip Day 4

TAIPEI

來到行程既第四日啦
一早就落 M 記食早餐，順便 PLAN 下行程（係，即日先諗）
食完就去左買手信啦（咁快買定？得閒得濟）
就係阿蘇都話好食既江記華隆豬肉紙
不過好難去，所以就搭的士去
買左三包，嗯～好食，不過要 HAND CARRY 呢...
如果唔係就會變左豬肉碎
之後返行番酒店放低 D 野先
點知迷路了，又唔叫迷路既...
只不過行左冤枉路囉...
（好似大把時間咁）

根住就去圓山既台北故事館啦
其實之前都無諗過去，不過因為無聊得濟
又見 MAGGIE 同 WENDY 去過



原來個故事館好細，行快 D 都可以3字睇晒
不過寄 POST CARD 寫左好耐
自己寄比自己
（點解我張 POST CARD 會隔左 2 個禮拜先收到）


之後出番去捷運站出面既巴士站搭公車去忠烈祠
（原來故事館出面有個站...真係行餐飽）
點知個司機唔知仲咩，遲左一個站先開門（又行...）
不過去到就剛剛好阿兵哥佢地開始換班啦
其實都無咩好睇，不過總有 D 可取既地方既～
仲有團香港人係到睇
個阿叔不停係度講咩緬甸果D好睇D
我無睇過，不過係都唔好咁大聲



好啦，睇左一陣就散啦，搭番巴士出台北車站
（其實都唔知幾時落車同埋有冇搭錯車）
已經 5 點了，但係我仲未食午餐
所以呢，點都要去食 D 野
就去左度小月啦～～
好食呢，個酥炸𤐶仔好好食呢～


食完都 6 點幾，諗住行陣先再食晚餐啦
行左 SOGO 個 SUPERMARKET 同誠品敦南店
又去左 GRANIPH 買衫
行到攰攰地就去搵野食啦

之前一早已經諗左晚餐係食小乾杯，但係
我係唔知係邊既
不過阿 JOYCE 鐘小姐比我既新假期地圖有
所以我就根住個地圖去搵
去到，無既？以為自己行錯
四周圍行，周邊既位置同地圖係一樣架喎
可能係搬左... 又或者張地圖根住係錯既
我依然覺得後者可能性大 D
因為連鼎泰豐個位都係錯既
最後要打番香港問人囉～～～！

知道大概邊個位啦，但係左轉右轉都搵唔到
卒之走番去 GRANIPH 問個 SALES
原來，近在咫尺
今日所走既所有路程，可能仲長過我上個禮拜行山既路程

終於排除萬難咁去到小乾杯啦
要等位，個靚仔 WAITER 問我地過唔過去對面間乾杯BAR
問過香港的友人話無咁好食架喎，咁等囉
好彩唔算太肚餓，係香港等板前都等慣啦
都唔算等左好耐既，D 野食都唔錯
不過隔離枱有班人，大概有 6 個女仔啦，同一個男仔係度隊酒
其實我入到去坐底果陣，個男仔已經半昏迷既狀態
甚至跌埋落地下，班女仔，當然一 D 醉意都沒有啦
佢地癲左一陣，班女仔就夾埋個男仔走人，嗯，希望個男仔無咩事

又玩完一日咯

Taiwan Trip Day 3

KENTING -- kaohsiung -- TAIPEI

好快，今日就要離開墾丁啦
一早起身去食個早餐，之後PACK埋D行李就要出去高雄啦
如果下次再黎，要去沙灘玩下水，夜晚數下星星先得

由墾丁去左營高鐵站要 2 個鐘，好在無塞車
司機導遊幫我地買埋高鐵飛，不過要收手續費喎
又唔記得上網買定，佢又話好可能會無位喎
咁就買佢啦～ 點知去到高鐵站真係勁多人買飛，都好彩
咁我地就順順利利咁坐11點36分去台北既車啦～




1 個鐘多D就去到台北啦～ 係台北車站食左個MOS BURGER做午餐
當然係香港無既包啦，不過唔記得係咩
之後就搭一個站捷運去西門搵我地間酒店CHECK IN啦

搞掂晒 D 野，第一站就去左北投
有個日式小花園


成日飲寶礦力，因為真係平香港好多

之後去埋淡水睇日落



仲去左阿婆度買手信

香港都有既章魚小丸子，不過無食到

夜晚就去左士林夜市通街搵野食囉
掛住食所以無咩影到相，只係影左個捷運站

是日行程完畢

Taiwan Trip Day 2

KENTING

第二日，晨咁早就起身去食早餐
原來要去隔一條街既好望角食
食完就返去等司機黎帶我地去玩啦

第一站就去國立海洋生物博物館
我地 9 點鐘就入場，唔算太多人
但係行下行下就越黎越多人LU
D魚缸好大，條自動電梯又停左比我地走黎走去

奇怪不知命生物，會係沙中（垂直地）鑽出鑽入，有點核突

濕地公園都有既招潮蟹

任摸既海星、海膽同海參
海星硬硬地，海參好似一PAT野咁

可憐的兩位不畏水的觀眾
白色果隻係白鯨

世界水域館入口

三層樓高既水缸養左幾條超長水草

黃色眉毛既企鵝！
呢個企鵝館可能用左數十部冷氣機去營造北極既氣溫

玩左成 3 個鐘，我真係好佩服我地既司機導遊
係出面等足我地咁耐

之後佢帶左我地去食佢話好好食既牛肉面
係一間唔會行過，行過都睇唔到，睇到都未必會入去食既細舖仔
牛肉面就麻麻啦，餃子都 OK 既

食完牛肉面，就去左附近既花海啦（佢所謂既）
有兩三個足球場咁上下大
真係好多花，有 D 以為自己去左富良野
係香港絕對無既景色
同行的友人情侶





下一站就去左佳樂水
果度有好多奇怪既石頭
要比錢坐車入去邊行邊介紹
不過每舊石佢都唔係停好多時間，要把握時間影相
反轉豬肚

又大風又大浪

小心 D 好喎，有冇魚釣到架究竟？


之後就去左風吹沙
其實無咩特別，只係有好多沙由下面個沙灘吹到上黎好高既地方


跟住去左龍磐公園，有一片大草原，不過無咩特別


再之後就去左台灣既最南點，要行少少路入去
入到去其實得好少位，但係有好多人，仲有唔少香港人
（其實每個景點都有...我係咪去左台灣？）
去呢個最南點有 D 無聊，為去而去
影左幾幅相就走番出黎


再再之後去左鵝鑾鼻公園
重點當然係台灣八景之一既鵝鑾鼻燈塔


再再再之後去左砂島，只係一個好普通既沙灘...

再再再再之後去影下呢個船帆石
本來之前有諗過住船帆石既民宿，不過都係南灣靚D～


全日行程完畢，回民宿休息
之後夜晚又去墾丁大街通街食