望左咁耐，今日終於出發啦
（值得一提的是，咁大個機場都撞到偉偉）
9 點起飛，10 點都未到就已經身在高雄國際機場
飛機上的早餐麻麻地
雖然知道要去墾丁，但係到呢一刻都未知點去
只係步出左個閘口唔夠10米，就已經比人欄住
包車（的士）要NT$400 一個人，仲話快過巴士1個鐘添
但係我地得 2 個人，會唔會比人打劫架
又或者呃我地，到時又加價架
所以我地就借去廁所閃人啦（其實真係要去既）
去完廁所出番黎，又見佢欄左另外 2 個香港人
咁見佢地靚仔靚女，佢地肯我地咪OK囉～
最後就一行 4 人搭佢架的士入墾丁啦～
原來高雄去墾丁真係好遠好遠
包佢架車左穿右插都成 2 個鐘
佢話巴士要 3 個鐘啦，價錢仲要差唔多
係搭車既途中，佢又SELL下叫我地包車啦當然
NT$800 日/人，1 日裏面8個鐘你可以叫佢去邊都得
講講下又話去邊度玩好去邊度玩好
好似我地已經應承左佢咁
仲話今日唔計我地錢添，即係800蚊2日喎！
不過既然洗濕左個頭，咁都無所謂啦
好彩我地無PLAN到，佢乜都同我地PLAN晒
我地既司機兼導遊都幾好人架，仲請我地食蓮霧
第一個景點係坐小海豚水底觀光船
（應該有commission分啦）
初時落到去以為幾好玩啦，一開船仲有好多魚仔添
點知，之後就大獲啦
係水底望住個窗，越望越頭暈
過左無耐已經想嘔，水底又無咩魚喎
或者佢地有保護色啦，個船長成日話D魚有保護色
搞搞下望番上面個窗啦，原來我地離岸好近
唔怪得知咁淺水啦
之後上番上面吹下海風先好番D
玩左差唔多成個鐘，唉，半個鐘都嫌多
之後就肚餓去開餐啦
個間野又係司機帶我地去
初時見D價錢好似幾平，以為好細碟啦
仲驚唔夠食，所以叫多左
點知原來碟碟都超大
碟花枝丸有成十幾廿粒
碗湯，應該係盤湯
初初以為得兩三碗咁多啦
原來可以分十碗都得
D三文魚魚生都還可以啦
炸花枝丸幾好食
之後係附近行一陣，又去第二個景點－貓鼻頭
呢個就係貓鼻頭
之後就去左白砂
D沙真係好幼，不過無玩水，影相就算
影完就去左我地間民宿度check in先
順便放低D行李，之後就去關山睇日落啦！
係睇日落之前，先去睇一睇隻龜同飛來石
超級無敵一望無際大海景+夕陽無限好
實在好靚～
10mm(16mm)勁wide示範
行程繼續，恒春既東門同埋出火
仲有人玩煙花，燒粟米同爆谷
似唔似舞龍
是日既晚餐係，墾丁大街街頭小食
呢檔炸菇幾好食
今日既節目到此結束
司機等我地行完食飽再車我地番南灣既民宿
沒有留言:
發佈留言