踩單車＋燒「邊爐」

呢個標題後半部分係Maggie Yuen小姐創作既
Maggie：「一年一次燒邊爐」

係我地考完試之後，就話要搞一個function去玩下
最後就決定左去踩單車同BBQ啦

首先，約左12點正係大圍火車站等，然後去食個lunch先
應該會出現既人有：我、Maggie、Jason、Jackson

係吉野家食完lunch，差唔多1點我地就返去大圍火車站等啦
應該會出現既人有：暉哥、andy、hei
不過係無人準時既
ar hei遲左少少到，阿暉要係粉嶺踩出黎既關係所以遲少少
andy去左邊呢？
打比佢，「我出..出...出緊黎...架啦，好快」
.
.
.
咁我地係火車站，無聊地行街，因此maggie買左個NDSL貼
所謂未出發，先出血
等到ar hei都黎到，咁我地租住車先啦～
租完既時候暉哥都已經出現（真係好快）
andy去到邊呢？
打比佢，「地...地鐵站啦」
咩站？
「鑽石山，好快」（註：andy住鑽石山）
所以我地決定踩先

踩到去....差不多入沙田中央公園既時候
andy終於到啦！
而踩得最快既暉哥去左接佢，我地繼續踩
.
.
.
因為我地想等番andy同暉哥既關係
我地踩一陣，又抖下、踩一陣，又抖下
但係人影都未見到，於是又繼續踩
.
.
.
沿途暉哥都有打比我問我地踩到邊
佢既反應好似好驚奇咁
「下？！（咁快？）」
我地去到科學園，又停低左一陣影下相
而ar hei亦不知所蹤，我地以為佢快得制係前面啦，於是又繼續踩

踩下又抖下，踩下又抖下
直至去到吐露港花園最尾一段，andy依現未見
其實我地已經踩得好慢，不過都要等佢
因為佢只係黎踩單車，唔等佢唔通踩完走果陣先見到佢
「Hi, andy 好耐無見啦喎。拜拜～」
等左都唔知幾耐？3～4個字左右啦
終於見到andy啦.......

踩到去大埔交車時，因為交車地點不明
都搞左一大輪
而約左4點係大埔墟等既Wendy 同 Lincoln因此呆等左好耐
真的非常抱歉，其實我地都比人耍到頭都大埋
意外地見到Haze一面，不過佢送完人黎又走左
係百佳買完野，我、Wendy、Maggie三人就去左大埔果個街市買扒、丸、翼、腸、仲有叉燒？！
（註：下次d豬扒唔該唔好咁厚，燒成半個鐘
下次d雞扒，牛扒唔好剪咁細，叉都叉唔到
下次唔洗買咁多腸仔了）
之後分2批人，各自搭車入大尾督（美篤）啦

燒到10點就散band啦～暉哥又由大尾督踩番去粉嶺
佢今日都踩左唔少路程，不過對佢黎講好似濕濕碎
而我返到屋企都已經11點9咯～ 超攰的說

所有相片都是在大尾督拍，其實入到去天都就黑晒
2張比較光的，只是曝光耐d